Jýrnalıstıkany jetildirý –  mańyzdy mindet

Memleket basshysy usyn­ǵan «Rýhanı jańǵyrý» baǵdar­la­mas­yn júzege asyrýda buqaralyq aq­parat quraldary mańyzdy ról atqaratyndyǵyn eskere oty­­ryp, jýrnalıst kadrlardy daıar­­laýdyń sapasyn artty­rý má­se­lesin kún tártibine shyǵa­ra­tyn kez jetti dep sanaımyz. Osyǵan oraı Premer-Mınıstrdiń orynba­sary E.Dosaevqa depýtattyq saý­almen mynadaı usynystar joldadyq:

1) Bolashaq jýrnalısterdi daıarlaıtyn negizgi oqý oryndary bolyp tabylatyn ál-Farabı atyndaǵy QazUÝ men L.N. Gý­mılev atyndaǵy EUÝ jýr­nalıstıka fakýltetteriniń áleý­etterin barynsha tolyq ta, tıimdi paıdalaný qajet. Atal­­ǵan fakýltetter rýhanı jań­ǵy­rý qozǵalysynyń alǵy sheb­i­nen kórinip, memlekettik aq­pa­rat­tyq saıasatty tabysty jú­ze­ge asyratyn qoǵamdyq pikir kósh­bas­shylaryn daıar­laıtyn, bir kez­de­gideı bedeli óte joǵary, elı­talyq deń­geıdegi jýrnalıst kadr­lar us­tahanalaryna aınaldyrylsa artyq bolmas edi. Olar eń aldymen memlekettik BAQ-tarǵa jáne memlekettik organdardyń baspasóz qyzmetterine qajetti joǵary bilikti maman kadrlardy daıar­laýǵa mamandandyrylǵany jón dep bilemiz. Osyǵan oraı atal­­ǵan ýnıversıtetterge «Jýr­na­l­ıstıka» mamandyǵy boıynsha mem­lekettik bilim berý granttaryn maqsatty túrde bólý tetigin qa­rastyrý qajet.

Buǵan qosa, joǵaryda atalǵan eki ulttyq ýnıversıtettiń jýr­na­lıstıka fakýltetteri men mem­­lekettik aqparat qural­da­ry­­nyń arasyndaǵy baılanys ba­ryn­sha nyǵaıtylyp, bolashaq jýr­nalısterdiń óndiristik praktı­ka­dan ótýi júıeli túrde jolǵa qoıy­lsa ıgi. Bul memlekettik BAQ-tar basshylarynyń daryndy jas jýrnalısterdi der kezinde ta­­nyp-bilip, jumysqa qabyldap, shy­­ǵarmashylyq ujymdardy tyń kúsh­pen nyǵaıtýlaryna múm­kin­dik berer edi;

2) Qazir elimizde 2547 gazet pen jýrnal, 115 telearna, 65 ra­dıo, 196 aqparat agenttigi men je­­lilik basylym bar. Olarǵa qosa, ortalyq jáne óńirlik atqa­rý­shy organdardyń baspasóz qyz­metterine de bilikti jýrnalıst­er qajet. Búgingi kúni jumys be­rýshiler «Eńbek» elektrondy eń­bek bırjasy arqyly ózderinde bos turǵan 133 jýrnalıstik qyz­met ornyn usynyp otyr. Shyn máninde bilikti jýrnalısterge suranys odan da kóp ekendigi anyq. Sondyqtan da «Jýr­nalıstıka» mamandyǵy boıynsha bólinetin memlekettik bilim berý granttary sanynyń jyldan-jylǵa kemitilý úrdisimen kelisý qıyn. Máselen, 2016-2017 oqý jylyna 90 grant bólingen bolsa, ústimizdegi oqý jylynda onyń sany 70-ke deıin azaıtylǵan. Osyǵan oraı Aqparat jáne kommýnıkasııalar mınıstrligi respýblıkadaǵy BAQ-tardyń jáne memlekettik organdardyń bas­­pasóz qyzmetteriniń bilik­ti jýrnalıst kadrlaryna sura­nys­taryn naqty zerttep bilip, «Jýrnalıstıka» maman­dy­ǵy boıynsha bólinetin granttar sanyn kóbeıtý jóninde usynys ázirlegeni jón;

3) Qazirgi kezde joǵary oqý oryndaryn bitirgen jas jýrnalıster aımaqtarǵa barǵylary kel­meı, kópshiligi qalalarda qa­lyp júr. Sonyń saldarynan, ási­rese soltústik óńirlerde aýdan­dyq gazetterdi, negizinen, jast­a­ry alpystan asyp, jetpiske ja­q­yndaǵan qart jýrnalıster shyǵaryp júr. Aldaǵy ýaqytta olardyń oryndaryn kimder basatynyn oılastyrǵanymyz abzal. Sondyqtan da aýdandyq gazetterge jumysqa ornalasýǵa kelisim bere­tin jas jýrnalısterdi «Dıp­lommen – aýylǵa!» áleý­met­tik baǵdarlamasyna engizýdi de usynamyz.

Káribaı MUSYRMAN,

Májilis depýtaty